Azərbaycan Respublikasının xalq artisti, mərhum bəstəkar Cahangir Şirgəst oğlu Cahangirov 20 iyun 1921- ci ildə Balaxanıda anadan olub və ilk ibtidai təhsilini Balaxanı qəsəbəsi 4 N -li məktəbdə almışdır. Daha sonra təhsilini A.Zeynallı adına Bakı Musiqi Məktəbində, Azərbaycan Dövlət Konservatoriyasında (1951,B.Zeydmanın bəstəkarlıq sinfi) davam etdirmişdir. C.Cahangirovun yaradıcılığı öz çoxşaxəliyi ilə seçilir. Bəstəkarın xor və instrumental musiqiləri, operaları, bir - birindən gözəl mahnıları var. Bunlara misal olaraq bəstəkarın xor musiqisi sahəsində maraqlı əsərlərindən “ Arazın o tayında” poemasını, 12 hissədən ibarət “Dostluq mahnısı” kompozisiyasını, “ Azad” və “Xanəndənin taleyi” operalarının xor nömrələrini,” Füzuli”, “Nəsimi”,”Aşıq Alı” kantatalarını, “Səbir”oratoriyasını, Süleyman Ələsgərovla birlikdə yazdığı odanı, onlarca xor miniatürlərini göstərmək olar. Sadalanan əsərlərdən xüsusilə “Füzuli” kantatası Cahangir Cahangirova böyük şöhrət gətirib.
Cahangir Cahangirovun böyük həcmli, mürəkkəb formalı görkəmli əsərlərilə yanaşı , musiqi xəzinəmizi zənginləşdirən çoxlu mahnıları da vardır. Onun “Ana”, “Aylı gecələr”,”Bakı”,” Dan ulduzu , bir də mən”,”Ay qız”, “Ala göz” və s mahnıları dillər əzbəridir. Cahangir Cahangirovun bəzi gözəl mahnıları məhz teatr tamaşalarından, ekrandan “ ayrılaraq” xalq arasında yayılmışdır. Bu mənada “ Yenilməz batalyon” filmindən
“ Teymurun mahnısı” nı,”Koroğlu” filmindən “ Xanəndə qızın mahnısı” nı,”Dəli Kür” filmindən “Ana kür” və “ Bayatılar” mahnılarını yada salmaq olar.
Cahangir Cahangirov klassiklərin yaradıcılığına da müraciət etmiş, ürəyəyatımlı mahnı və romnanslar yazıb. Hələ 1947- ci ildə Nizaminin anadan olmasının 800 illik yubileyi günlərindəı bəstəkar şairin sözlərinə “ Gül camalın” romansını və xor üçün “ Qəzəl “ əsərini yazıb.Azərbaycanın mütəfəkkir şairi İmamədddin Nəsiminin 600 illik yubileyi günlərində şairin bir qəzəli əsasında mahnı-romans yazıb.”Ənəlhəq” adlanan həmin əsər Azərbaycan Teleradio Verilişləri Şirkətinin keçirdiyi müsabiqədə birinci mükafata layiq görülüb.Əməkdar incəsənət xadimi (1959), xalq artisti(1963), SSRİ dövlət mükafatı laureatı (1950) Cahangir Cahangirov 1992- ci ilin martında vəfat edilib. Məzarı Fəxri Xiyabanda yerləşir.