4 №-Lİ TAM ORTA MƏKTƏB

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

25.05.2023-cü il tarixdə Sabunçu  rayonu, Balaxanı qəsəbəsində  yerləşən M.Ə.Sabir adına 259 nömrəli  tam orta  məktəbdə Sabunçu Rayon  İcra Hakimiyyətinin  təşəbbüsü,  Azərbaycan Respublikası Elm və Təhsil Nazirliyinin  Bakı Şəhəri  üzrə  Təhsil İdarəsi, Azərbaycan  Respublikasının  İnsan Hüquqları üzrə Müvəkkili (OMBUDSMAN) və Ailə, Qadın  və Uşaq Problemləri  üzrə  Dövlət  Komitəsinin  dəstəyi ilə həyata keçirilən  “Susma, səsini eşitdir!” adlı layihə çərçivəsində Balaxanı qəsəbəsində yerləşən  məktəblərin  iştirakı ilə tədbir keçirildi.

Tədbirdə məktəbimizin  şagirdləri fəal iştirak etdilər.Şagirdlərimiz “Erkən evliliyə yox deyək!” adlı təqdimatla çıxış etdilər. 

Sonda “Susma, səsini eşitdir!” adlı layihə çərçivəsində fəal iştirak edən məktəblilərimiz Sabunçu rayonunun Balaxanı qəsəbə bələdiyyəsinin  sədri Bahadır Haşımov tərəfindən diplom və hədiyyələrlə təltif olundular.

09.04.2023- cü il tarixdə DİM  tərəfindən 9-cu siniflər  üzrə keçirilən buraxılış imtahanlarında  6 nəfər şagirdimiz yüksək nəticə göstərərək 200 baldan artıq bal toplamışdır. 200- dən çox bal  toplayan şagirdlərimizin siyahısı belədir:

1.Qarayev Elvin - 245 bal

2. Manafova Pəri - 227 bal

3. Muxtarov Vilayət - 225 bal

4. Tanrıverdiyev Fərid - 221 bal

5. Kələşova Aysu - 219 bal

6. Zamanlı Ruslan -204 bal

Şagirdlərimizi təbrik edirik, uğurlarının  davamlı olmalarını arzulayırıq.

19.05.2023- cü il  tarixdə  Bakı şəhəri 4 nömrəli   tam orta   məktəbdə sinif rəhbəri  Yasəmən Məmmədovanın  təşkilatçılığı ilə  4 ç sinfində “Yol hərəkətinin  təhlükəsizliyinə dair 2019-2023- cü illər üçün  Dövlət Proqramı”na uyğun olaraq “Uşaqlara yol hərəkəti qaydalarını necə   öyrətməli?” adlı tədbir  keçirildi.

 11-12 may  tarixlərində  BŞTİ-nin  Təlimə Dəstək Mərkəzinin  əməkdaşları Bakı şəhəri 4 nömrəli tam orta məktəbin rəhbərliyi və bir qrup pedaqoji heyət üzvü ilə görüş keçirmişdir. Görüşdə  əsas məqsəd  Bakı şəhəri  4 nömrəli  tam orta  məktəb üçün  Məktəbin  İnkişaf  Planının   hazırlanması olmuşdur. Görüşdə keyfiyyət monitorinqinin nəticələri müzakirə edilib, şagirdlərin  rifahının  və təlim nəticələrinin  yüksəldilməsi istiqamətində görüləcək  bir sıra  işlər  planlaşdırılıb.Növbəti iki tədris ili ərzində tədrisin keyfiyyətinin yüksəldilməsinə nail olmaq məqsədilə  hədəflər  və fəaliyyətlər müəyyənləşdirilərək onların əsasında Məktəbin İnkişaf Planı hazırlanıb.