“ Zərərli vərdişlərə birlikdə yox deyek!”
Qeyri-sağlam həyat tərzinin əsasını təşkil edən zərərli vərdişlər nəinki insanın özünə, onun ailəsinə, ətrafına və yaşadığı cəmiyyətə ciddi ziyan vurur. Bu vərdişlərin forması və sayı getdikcə artır və insan cəmiyyətinə öz mənfi təsirlərini göstərir. Zərərli vasitələrdən istifadə adətən, yeniyetməlik dövründən başlayır. Bu vasitələrin yeniyetmələrin həyatına daxil olmaması üçün ailə və məktəb birgə işləməlidir. Şagirdləri zərərli vərdişlərin fəsadları barədə məlumatlandırmaq, onların cəmiyyətdə yaratdığı sosial bəlalar və insanların sağlamlığına vurduğu ziyanla bağlı məktəblilər arasında təbliğat aparmaq, onları belə neqativ əməllərdən çəkindirmək məqsədi ilə məktəbin 9- cu sinif oğlan şagirdlərinin iştirakı ilə 29.11.2023- cü il tarixdə maarifləndirici tədbir təşkil edildi. Tədbirdə məktəbin şagirdlərlə məktəbdənkənar və sinifdənxaric işlər üzrə təşkilatçı Hacıyeva Lamiyə, Fiziki tərbiyə müəllimi Əsədov Seymur, UBTR- Əhmədova Ləman çıxış edərək zərərli vərdişlərin mənfi nəticələri barədə məlumat verdilər, slayd və şəkillər nümayiş olundu.
