"15 sentyabr-Bilik günü"-məktəbin ilk bayram günüdür.
Azərbaycan Respublikasının bütün ümumtəhsil məktəblərində olduğu kimi bir əsrdən artıq ömür yaşamış dahi bəstəkar C.Cahangirovun adını daşıyan 4№li tam orta məktəbdə də "Bilik günü" böyük sevinc hissi,gözəl əhval-ruhiyyə ilə qeyd edildi.Məktəb həyətində keçirilən Azərbaycan Respublikasının Dövlət himni ilə açılan tədbirdə direktorun,müəllimlərin ali təhsil ocaqlarına daxil olmuş məzunların,valideynlərin təbrikləri şagirdlərin ifa etdikləri mahnı və rəqslər,söylədikləri şeirlər,ən əsası bu il məktəbə qədəm qoyacaq birincilərin çıxışları hamı tərəfindən alqışlandı.Tədbirin sonunda on birinci sinif şagirdinin çiyninə qaldırdığı birinci sinif şagirdinin çaldığı “İlk zəng” və musiqi sədaları altında şagirdlər doğma məktəbə daxil oldular.
