“Novruz Bahar, dostluq, qardaşlıq rəmzidir” adlı türkdilli dövlətlərdə Novruz adətlərinə həsr olunmuş tədbir keçirilib
“Novruz Bahar, dostluq, qardaşlıq rəmzidir” adlı türkdilli dövlətlərdə Novruz adətlərinə həsr olunmuş tədbir keçirilib.Türkdilli dövlətlərdən Azərbaycan, Türkiyə, Qazaxıstan, Qırğızıstan və Özbəkistan sərgisi yaradıldı. Məktəbin 7 “Ç” və 3 “Ç” sinif şagirdləri türkdilli xalqların adətlərini araşdıraraq, səhnələşdirilmiş təqdimat hazırladılar. Təqdimatda milli geyimlərdən, əşyalardan, bayram xonçalarından istifadə olunmuşdur. Bayram münasibəti ilə məktəbimizin direktoru Tahirə Şükürova məktəb kollektivini, şagirdləri və valideynləri xalqımızın milli bayramı olan Novruz münasibətilə ürəkdən təbrik edib, firavanlıq və xoş günlər arzulayıb. Bildirib ki, digər illərdən fərqli olaraq bu il Novruz bayramı ərazilərinin tam suverenliyinə nail olmuş Azərbaycanda qeyd edilir. Uzun illər sonra bütöv Azərbaycanın Novruzu qeyd etməsini Ali Baş Komandan İlham Əliyevin böyük sərkərdəlik məharətinə, güclü iradəsinə və yenilməz ordumuzun şücaətinə borcluyuq.
