"Valideynin məktəbdə bir günü" layihəsi çərçivəsində görüş təşkil olunub
29 may tarixində Bakı Şəhəri üzrə Təhsil İdarəsinin F-66 nömrəli əmrinə əsasən "Valideynin məktəbdə bir günü" layihəsi çərçivəsində görüş keçirildi.
Tədbir 08:30-da məktəbin direktoru Sevil Əliyeva tərəfindən açıq elan edildi. Valideynlər məktəblə tanışlıq məqsədilə idman zalında, sinif otaqlarında, laboratoriyalarda oldular.
Daha sonra valideynlər məktəbin IV "B" sinif şagirdlərinin buraxılış tədbirində iştirak etdilər.
Sonda valideynlər üçün yekun olaraq seminar keçirildi. Seminarda valideyləri maraqlandıran suallar məktəbin direktoru, təlim-tərbiyə işləri üzrə direktor müavini və təşkilatçı cavablandırdı.
