"Təhsilverənlərin etik davranış Qaydaları”
03.06.2024-cü il tarixdə məktəbin akt zalında iclas keçirilib. İclasda geniş məruzə ilə çıxış edən məktəbin direktoru Elnur Mirzəyev Azərbaycan Respublikası Elm Və Təhsil Nazirliyinin Kollegiyasının “15” may 2024-cü il tarixli KQ-07 nömrəli “Təhsilverənlərin etik davranış Qaydaları”nın təsdiq edilməsi haqqında qərarı və qərardan irəli gələn öhdəlikləri müəllimlərin nəzərinə çatdırıb.
Təhsilverənlərin etik davranış prinsipləri, xidməti davranışı, xidməti fəaliyyətindən kənar davranışı, o cümlədən "Korrupsiyaya qarşı mübarizə haqqında" Azərbaycan Respublikasının Qanununda nəzərdə tutulmuş maddələr haqqında geniş müzakirələr aparılıb.
