"Valideynin məktəbdə bir günü" layihəsi çərçivəsində görüş təşkil olunub
Fevralın 22-da "Valideynin məktəbdə bir günü" layihəsi çərçivəsində nümunəvi dərslər keçirildi. Məktəbin müəllimləri tərəfindən 16 sinifdə nümunəvi dərslər nümayiş olundu. Dərslər yeni təlim metodlarına uyğun aparıldı. Məktəbə dəvət olunmuş valideynlər dərs prosesində iştirak etdi, kitabxana, yeməkxana, sinif otaqları, idman zalı ilə yaxından tanış oldular. Daha sonra onlar üçün hazırlanmış seminarda iştirak etdilər. Seminarda valideynlərin məktəb rəhbərliyi və müəllim kollektivi ilə görüşü keçirildi. Görüşdə məktəbin psixoloqu, kitabxana müdiri, tibb bacısı çıxış edərək valideynlərə öz tövsiyyələrini verdilər, təklif və iradlar dinlənildi. Layihə şagirdlərin hazırladığı bədii hissə ilə başa çatdı.
