Əfsanəvi Mixaylo
Sorağını alsam bele bugün sənin uzaqlardan,
Məhəbbətə hasar çəkməz nə ayrılıq, nədə zaman...
Can qardaşım! Sən mənimsən, sən mənim partizanımsan,
Yeni günlər yaradanım, yeni tarix yazanımsan!
Səməd Vurğun
20 dekabr tarixində məktəbizin kitabxanasında Mehdi Hüseynzadənin 100 illik yubileyi ilə bağlı dəyirmi masa təşkil olundu. Kitabxana müdiri Şərqiyyə Qasımova qəhrəmanın keçdiyi şərəfli ömür yolundan şagirdlərə maraqlı məlumat verdi. 5a və 5b sinif şagirdləri kitabxanada təşkil olunmuş kitab sərgisi ilə tanış oldular. Mehdi Hüseynzadənin "Qürbətzadə" imzası ilə yazdığı "And", "A dost", "Vətən", "Adriya sahillərində" şeirlərini dinlədilər. Mehdi Hüseynzadənin həyat yolu bu gündə vətənimizin sərhədlərini qoruyan gənclər üçün əsil nümunə olduğu bildirildi. Onun faşizmə qarşı apardığı mübarizədə çoxsaylı uğurlu kəşfiyyat əməliyyatları və hərbi sücaətləri ilə böyük şöhrət qazandığı şagirdlərin diqqətinə çatdırıldı. 1957-ci ildə Sovet İttifaqı qəhrəmanı adı verildi. 1973-cü il mayın 9-da Bakıdakı heykəlinin açılışı oldu.
Azərbaycan xalqı öz qəhrəmanının xatirəsini əziz tutur və qəlblərində daim yaşadırlar.
