BÜLBÜLÜN 120 İLLİK YUBİLEYİ
Azərbaycan opera müğənnisi, Azərbaycan professional vokal sənətinin banisi, SSRİ xalq artisti, Stalin laureatı Bülbül ( Murtuza Məşədi Rza oğlu Məmmədov ) 22 iyun 1897 -ci ildə Şuşa yaxınlığında Xanbağı adlanan yerdə anadan olmuşdur.
Səhnə fəaliyyətinə 1916-cı ildən başlamışdır. Tanınmış ifaçı fəaliyyətinin ilk illərində Üzeyir Hacıbəyovun "Leyli və Məcnun" operasında oynamışdır. 1938-ci ildə SSRİ xalq artisti adına laiq görülmüşdür. 26 sentyabr 1961-ci ildə Bakıda vəfat etmişdir. Məzarı Birinci Fəxri Xiyabandadır.
Azərbaycan Respublikasının Prezidenti cənab İlham Əliyev Bülbülün 120 - illik yubileyinin keçirilməsi haqqında sərəncam imzalayıb. Bu sərəncama əsasən məktəbimizdə də dahi sənətkar yad edildi. Məktəbimizin 6 A sinifi 15 dekabr tarixində Bülbülün ev muzeyinə ekskursiya etdi. Şagirdlər Bülbülün həyat və yaradıcılığı haqqında dolğun məlumatlar əldə etdilər. Tanınmış sənətçinin ev muzeyi ilə yaxından tanış oldular.