"ZƏFƏR GÜNÜ"NƏ HƏSR OLUNMUŞ RƏSMLƏR
2020-ci il sentyabrın 27-dən etibarən Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında Azərbaycan Ordusu işğal altında olan torpaqlarımızı azad etmək uğrunda başladığı zəfər yürüşündə inanılmaz uğurlar əldə etmişdir. Belə ki, 44 gün sürən hərbi əməliyyatlar nəticəsində rəşadətli Azərbaycan Ordusu tərəfindən bir çox ərazilər və mühüm strateji yüksəkliklər işğaldan azad edilmişdir.
Noyabrın 8-də 28 illik həsrətdən sonra Azərbaycan xalqı üçün böyük əhəmiyyət kəsb edən və rəmzi məna daşıyan Şuşa şəhəri işğaldan azad edilmişdir. Şuşanın düşmən işğalından qurtarılması müharibənin taleyində həlledici rol oynamışdır. Bütün bunlar Ermənistanın öz məğlubiyyətini etiraf etməsi və kapitulyasiyası ilə nəticələnmişdir.
Azərbaycan Respublikasının Prezidenti İlham Əliyevin 2020-ci il 3 dekabr tarixli Sərancamı ilə bu misilsiz qələbənin əbədiləşdirilməsi məqsədilə hər il noyabrın 8-i Azərbaycan Respublikasında Zəfər Günü kimi təntənəli şəkildə qeyd edilməsi qərara alınmışdır.
Hər il olduğu kimi bu il də Zəfər Günü ilə əlaqədar məktəbin təsviri incəsənət müəllimi Şəlalə Babayevanın təşçilatkılığı ilə V-XI sinif şagirdləri divar qəzetləri hazırlayaraq məktəbin foyesində nümayiş üçün təqdim etdilər.
