Mülki Müdafiə Günü
Bakı şəhəri 329 nömrəli tam orta məktəbin 2b sinifi 01.03.2021-ci il tarixdə Mülki Müdafiə Günü ilə əlaqədar olaraq sinif rəhbəri Abasova Əzizənin təşkilatçılığı ilə maarifləndirici dərs keçirilmişdir.
Keçirilmiş maarifləndirici dərsdə şagirdlər Mülki Müdafiə Gününün yaranma tarixi və səbəblərini, fövqəladə hallar və həmin vəziyyətdə nə etməli olduqlarını araşdırmış və yeni biliklərə yiyələnmişlər. Maarifləndirici dərsin sonunda şagirdlər tərəfindən qısa səhnəcik təşkil olunmuşdur. Səhnəcikdə şagirdlər fövqəladə vəziyyətdə yaralılara necə yardım göstərilməli olduğunu nümayiş etdirmişlər. Şagirdlərin dərs zamanı göstərdikləri fəallıqdan hiss olunurdu ki, onlar Mülki Müdafiə Günü haqqında öyrəndikləri məlumatları artıq mənimsəyib və tətbiq etməyi bacarırdılar.