İlk dərs və məşğələlər Xocalı soyqırımına həsr edilib
Fevralın 26-da məktəbdə ilk dərs və məşğələlər Xocalı soyqırımına həsr edilib.
Müəllimlər dərs zamanı Xocalının tarixi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə, mədəniyyət ocaqları, tarixi-mədəni abidələri, görkəmli şəxsiyyətlərindən söhbət açıblar. Həmin qanlı gecə ilə bağlı video slaydlar nümayiş olunub. Daha sonra şagirdlər Vətənə, topağa aid şeirlər səsləndirib, onların hazırladıqları fotostendlər və guşələr nümayiş etdirilib.
Bakı Şəhəri üzrə Təhsil İdarəsinin Tədbirlər Planı”na əsasən“Xocalı soyqırımının iyirmi səkkizinci ildönümünün keçirilməsi ilə əlaqədar tədris olunan dərslər Xocalı qurbanlarının xatirəsini yad etmək, böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat vermək, məktəblilərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək məqsədlərinə xidmət edir.
