Nəsimi 650
Aprelin 23-də məktəbin Azərbaycan dili və ədəbiyyatı müəllimi Afət Hüseynovanın təşkilatçılığı ilə dahi Azərbaycan şairi İmadəddin Nəsiminin 650 illik yubileyi münasibətilə tədbir keçirildi. Foyedə Nəsiminin yaradıcılığını əks etdirən stendlər düzülmüşdü. 5"A" sinif şagirdləri Nəsimi kinofilmindən bir səhnə göstərdilər. Tədbirdə A.Zeynallı adına musiqi kollecinin tar müəllimi Mehman Mikayılov və kollecin tələbələri də iştirak etdilər. Həm kollec tələbələrinin, həm məktəbin 6-cı sinif şagirdi İlkinin ifasında sözləri Nəsiminin qəzəllərindən ibarət muğam hissələri tədbirə xüsusi gözəllik verirdi. Əliyev Fərəc, Afət Hüseynova, məktəbin şagirdləri, məktəbin keçən ilki məzunu, BDU-nun jurnalistika fakültəsinin tələbəsi Hüseyn Cabbarlı Nəsimi poeziyasından nümunələr söylədilər.
