328 №-li tam orta məktəb

 “Konstitusiya və suverenlik" ili və Ulu öndər H. Əliyevin anadan olmasının 102-ci ildönümü ilə əlaqədar məktəbin 8-11-ci sinifləri arasında breyn rinq bilik yarışması təşkil olundu. Yarışma 3 turdan ibarət 6 komanda arasında aparıldı. Sonda qaliblər rəhbərlik tərəfindən hədiyyələrlə mükafatlandırıldı.

Məktəbimizdə mütamadi olaraq vətən müharibəsi şəhidlərinin xatirəsi yad edilir. 07 may 2025-ci il tarixdə şəhid  Pərviz Məmmədovun anım günü qeyd olundu. Şəhidin adını daşıyan 8 A sinif şagirdlərinin iştirakı və valideynlərinin dəstəyilə keçirilən tədbirə şəhidin atası, döyüş yoldaşı, ibtidai sinif müəllimi və digər qonaqlar dəvət olunmuşdu. Tədbirdə şagirdlər Pərvizin həyatı və döyüş yolundan məlumat verdilər, səhnələr nümayiş etdirdilər, vətənpərvərlik şeirləri söylədilər.

   9 May tarixində isə 6 ç sinif şagirdləri sinif rəhbəri Aynurə Məmmədovanın təşkilatçılığı ilə 2- ci Fəxri xiyabanda oldular.Vətənimizin suverenliyi və ərazi bütövlüyü uğrunda canını fəda etmiş şəhidlərin,müasir dunya tarixinə parlaq və silinməz izlər qoyan görkəmli dövlət və mədəniyyət xadimlərinin, qeyri-adi zəka,fitri istedad sahiblərinin xatirəsini ehtiramla yad etdilər. Tarixin, təbiətin, zəfərin nəfəs aldığı yerləri düşmən tapdağından azad edən,illərdir qayıdışın sevincini bizə yaşadan Polad Həşimovun,İlqar Mirzəyevin,Dövlətzadə Cəbrayılın timsalında tarixə şahidlik etdilər,bütün şəhidlərə borclu olduqlarını,Vətənin əmanət oldugunu bir daha anladılar.Həm qürurverici ,həm duyğulu anlar yaşadılar.Bu duyğu həm keçmişin ağrısı,həm də gələcəyə ümiddir.Sonda təyyarə qəzasında həlak olmus şəhidlərimizi də yad etdilər.Hokumə Əliyevanın ailə üzləri ilə- anası ,həyat yoldaşı və qardaşı ilə xatirə şəkli çəkdirdilər.

Məktəbimizin şagirdləri Teymurzadə Nuray və Həsənli Qənirə təsviri incəsənət müəllimi Lalə Mehdiyeva ilə birgə Nizami rayonu icra hakimiyyətinin təşkil etdiyi “Konstitusiya və suverenli ili” çərçivəsində "Vətənim Azərbaycan" mövzusunda keçirilmiş rəsm müsabiqəsində aktiv iştirak etmişdilər.

Mayın 5-də reproduktiv sağlamliqla bağlı altıncı sinif şagirdləri ilə məktəbin psixoloqu İlahə Rüstəmova və təlimçi Leyla Hacıyevanin maarifləndirici görüşü olub. Görüşün  məqsədi sağlamliğin əsas təməli olan gigiyena və sağlam qidalanma qaydalarını şagirdlərə düzgün şəkildə catdırmaq idi. Leyla xanım tərəfindən şagirdlərə mövzu ilə bagli məlumat verib, onları maraqlandıran sualları cavablandırdı.

Məktəbdə Rəqəmsal bacarıqlar layihəsi çərçivəsində  İnformatika müəllimi Mədətova Qalyanın təşəbbüsü ilə 7a və 7b siniflərində “Balaca təlimçilər” adlı xüsusi dərs formatında tədbir təşkil edildi. Bu tədbirdə şagirdlər öyrəndikləri Python və ümumilikdə İKT biliklərini nümayiş etdirdilər, proqram vasitəsilə verilən tapşırıqların tədqiq və tədbiq olunma yollarını təqdim etdilər.Tədbir interaktiv formada aparıldı.