Müəllim günü
5 oktyabr 2018-ci il tarixində 328 nömrəli məktəbdə Beynəlxalq Müəllim günü qeyd olundu . Məktəbin musiqi müəllimi və " Bayatı-Şiraz"dərnəyinin rəhbəri Nailə Heydərovanın hazırladığı tədbirdə müəllimlər,şagirdlər,valideynlər iştirak edirdi. Məktəbin direktoru Asif Nəbiyev tədbirdə çıxış edərək müəllim kollektivini təbrik etdi. O qeyd etdi ki, məktəbimiz məktəblərin reytinq cədvəlinə əsasən bir il ərzində 26 pillə yüksəlmişdir. Bu nəticəni əldə edən şərəfli peşə sahiblərinə bu tədris ilində də keçən dərs ilindəki kimi nailiyyətlərinin daha da cox olması istigamətində ugurlar arzuladı. Tədbir şagrdlərin ifasında müxtəlif mahnilarla davam etdi. Azərbaycan,rus və ingilis dilində səslənən mahnılar müəllimlər üçün xüsusi hədiyyə oldu. Aparıcılığını 3 "A" sinif şagirdi Mikayılova Əsmərin etdiyi tədbirdə 2-ci və 3-cü sinif şagirdləri fərqləndilər.
