20 Yanvar xalqımızın qəhrəmanlıq tarixidir
Bu gün 20 Yanvar Ümumxalq Hüzn Günü ilə əlaqədar tədbirlər keçirildi. Əliyeva Şəhla və Əhmədova Aynur 2"B" və 5"B" siniflərində 20 Yanvara həsr olunmuş səhnələşmiş dərslər keçdilər. 8"A" sinfinin iştirakı ilə, Mahmudova Səbahət və Heydərova Nailənin təşkilatçılığı ilə daha bir tədbir məktəbin akt zalında keçirildi. Şagirdlərin çıxışından sonra 201 №-li məktəbin direktoru Salmanova Süsən , Füzuli şəhər 5 №-li məktəbin direktoru Məmmədova Səbinə, ibtidai sinif müəllimi Hüseynova Vüsalə, 78 №-li məktəbin direktoru Zeynalov Murad və 251 №-li məktəbin direktoru Əzizova Aygün də vətənpərvərlik ruhunda çıxış etdilər. Qarabağ müharibəsinin iştirakçısı Sadıqov Telmanın və müharibə əlilinin anası Quliyeva Safuranın, eləcə də Cəbrayıl rayonu Cocuq Mərcanlı kənd tam orta məktəbinin direktoru Zamin Həziyevin çıxışları da maraqla qarşılandı. 20 Yanvar Ümumxalq Hüzn Günü olmaqla yanaşı həm də xalqımızın qəhrəmanlıq tarixidir.
