20 yanvar Faciəsi ilə bağlı tədbirlər keçirilir
Bakı Şəhəri üzrə Təhsil İdarəsinin 17 yanvar 2018-ci il tarixli 22 №-li məktubu və məktəbin fəaliyyət planının 1. 3. 16-cı bəndinə əsasən məktəbimzdə "20 Yanvar Hüzn Günü" ilə əlaqədar tədbirlər keçirilir. Məktəb şagird və müəllim kollektivi Şəhidlər Xiyabanında ziyarət etmiş, şəhid məzarlarına qərənfillər qoymuşlar. Şagirdlər həm də Fəxri Xiyabana gedərək Ulu öndər Heydər Əliyevin məzarını da ziyarət etmişlər. Xiyabanda şagirdlər şeir kompozisiyası ilə çıxış edərək şəhidlərin məzarı başında onların qanlarının yerdə qalmayacaglarına and içdilər. Siniflərdə divar qzetləri , fotostendlər, rəsm əsərləri hazırlanmış və məktəbin foyesində onların sərgisi təşkil olunmuşdur. 17 yanvarda Qanlı Yanvar” “Xüsusi təyinatlı İbad” adlı filmlər nümayış olundu. 18 yanvarda Ümumməktəb tədbiri keçirilmişdir. Şagirdlər bu faciəli günü öz sözləri ilə bədiiləşdirərək Vətənin qəhrəman oğullarını tərənnüm edən çıxışlar və şeirlər söyləmişdilər.
