Milli-mənəvi və bəşəri dəyərlərə həsr edilmiş tədbir keçirildi
Məktəb kitabxanasında “Vətənpərvərlik ən mühüm mənəvi dəyərdir” adlı dəyirmi masa keçirildi. 9"A" sinif şagirdlərinin bu mövzu ilə bağlı fikirləri və çıxışları dinlənildi. Daha sonra Azərbaycan dili və ədəbiyyat müəllimi Elnaz Eyvazlı şagirdlərə Milli və bəşəri dəyərlərin fərqindən və umumilikdə vətənpərvərlik dəyərlərindən danışdı. Şagirdlər yazdıqları esseləri oxuyaraq dəyirmi masada müzakirə etdilər. Tədbirdə məktəbin direktoru Asif Nəbiyev iştirak edərək şagirdlərə Vətənə gərəkli vətəndaş olmalarını arzuladı.
