Avropa Azərbaycan Məktəbinin 2e sinif şagirdləri qonağımız oldu.
9 İyun tarixində Avropa Azərbaycan Məktəbinin 2e sinif şagirdləri , ingilis dili müəllimi və müəllim köməkçisi məktəbimizin 2a sinfində oldular. Sinif rəhbəri Könül Həsənova Xancanlı məktəb rəhbərliyi ilə birlikdə qonaqları qarşıladılar. Gəlişin məqsədi sonuncu unitlərindəki “Mən özümü necə təşkil edirəm” mövzüsu ilə bağlı idi. Əvvəlcə şagirdlər bir-birləri ilə və müəllimlərlə tanış oldular. Daha sonra cütlərə bölündülər. Cütlər birlikdə əllərinin rəsmini rəngli kağızda çəkib kəsdilər. İçərisinə bəzi suallara cavab yazdılar. Hazırladıqları eskizləri “dostluq ağacı” adı altında hazırladılar. Cütlər birlikdə məktəbi gəzdilər. Məktəbin idman zalında, akt zalında, bufetində oldular. Sonda gələn tədris ilində məktəbimizi Avropa Azərbaycan məktəbinə dəvət etdilər. Birlikdə xatirə şəkli çəkdirdilər. Qonaqlar məktəbimizi və səmimi yanaşmanı çox bəyəndiklərini qeyd etdilər.
