Şagirdlərimiz M.Ə.Sabirin 155 illlik yubileyini Şamaxıda şairin ev muzeyində qeyd etdilər
26 mayda 328 nömrəli tam orta məktəbin VI sinfinin şagirdləri sinif rəhbəri NailəHeydərovanın təşkilatçılığı ilə Azərbaycanın dahi şairi M.Ə.Sabirin anadan olmasının 155 illik yubileyi münasibətilə keçirilən tədbirlərdə iştirak etmək üçün Şamaxı şəhərində oldular. Əvvəlcə şagirdlər M.Ə. Sabrin ev müzeyində oldular. Muzeydə Məktəbin Azərbaycan dili və ədəbiyyatı müəllimi Əhmədova Aynurun hazırladığı ədəbii-bədii kompozisiya nümayiş etdirildi. Kompozisiyada şairin müxtəlif şeirləri şagirdlər tərəfindən səhnələşdirildi, öz dövrünün şair və yazlçılarının söhbətləri M.Ə.Sabir ətrafında yenidən şagird diliylə canlı olaraq tamaşaçılara çatdırıldı. Tədbir muzeyin əməkdaşları və qonaqların böyük marağına səbəb oldu. Daha sonra şagirdlər M. Ə. Sabirin və S.Ə.Şirvaninin məzarını ziyarət etdilər. Daha sonra şagirdlər Şamaxı Astrofizika Rəsədxanasında ekskursiyada oldular. Məktəbin riyaziyyat müəllimi Səbahət Mahmudovanın hazırladığı astronomiya -fizika-riyaziyyat elmlərinin bir biri ilə əlaqələrini əks etdirən tədbirdə şagirdlər müxtəlif maraqlı məlumatlar söylədilər, video çarxlar nümayiş etdirdilər, şeirlər dedilər və məntigi viktorina keçirdilər. Hər iki tədbirdə məktəbin direktor müavinləri Məhəmməd Hüseynov , ilhamə Cəfərova ,valideynlər və Nizami rayon Mədəniyyət mərkəzinin direktoru Laura Quliyeva iştirak etdilər.
