Müəllim və şagird kollektivimiz ADPU-da qonaq oldular
15 aprel 2017-ci il tarixində məktəbimizin müəllim və şagird kollektivi Azərbaycan Dövlət Pedaqoji Universitetinin qonağı olmuşdur. Şagirdlərin ixtisas seçiminin və peşəyönümlərinin seçimlərində istiqamətləndirmək məqsədilə keçirilən görüşdə ADPU-nun müəllimləri Universitet haqqında geniş məlumatlar verdilər. ADPU-nun rektoru, professor Cəfər Cəfərov tədbiri giriş sözü ilə açaraq bildirib ki, “Açıq qapı günü”nü keçirməkdə məqsədimiz yuxarı sinif şagirdlərini universitetimizlə tanış etmək, bu ali təhsil müəssisəsində fəaliyyət göstərən fakültələr, ixtisaslar barədə məlumat verməkdir. Belə görüşlər gənclərin düzgün peşə və ixtisas seçmələri baxımından mühüm əhəmiyyət kəsb edir.Tədbirdə ADPU-nun fəaliyyətini əks etdirən slaydlar təqdim edilib. Sonra şagird və müəllimlərin fakültə və kafedralarda professor-müəllim heyəti və məzunlarla görüşü keçirilib. Tədbir universitet tələbələrinin hazırladıqları bədii-musiqili hissə ilə başa çatıb.
