Azərbaycan Dövlət Pedaqoji Universitetinin pedaqoji heyəti məktəbimizdə
14.04.2017-ci il tarixində şagirdlərin ali məktəblərə marağını artırmaq məqsədilə Azərbaycan Dövlət Pedaqoji Universitetinin pedaqoji heyətinin üzvləri məktəbimizin qonağı olublar. Qonaqlarımız Riyaziyyatın tədrisi metodikası kafedrasının müdiri Azadxan Adıgözəlov, Riyaziyyat fakültəsinin dekan müavini Allahverdi Cəfərov, Riyaziyyatın tədrisi metodikası kafedrasının dosenti Musa Rzayev şagirdlərlə səmimi söhbət aparıblar. Onlar ADPU-da dərslərin yüksək səviyyədə tədris olunmasından, imtahanların şəffaf keçirilməsindən bəhs edərək, şagirdləri öz tələbələri kimi görmək istədiklərini bildirdilər. Onlara dərslərində müvəffəqiyyət arzuladılar. Həmçinin 15.04.2017-ci il tarixində Azərbaycan Dövlət Pedaqoji Universitetində keçiriləcək tədbirə şagirdlərimizi dəvət etdilər. Sonda şagirdlərlə xatirə şəkli çəkdirərək görüşü başa vurdular.
