Torpaq çərşənbəsi qeyd olundu
Məktəbdə bu gün İlaxır çərşənbəsi qeyd olundu. Çərşənbələrin sonuncusu olan Torpaq çərşənbəsi öz gəlişi ilə elin, obanın yazı qarşılamağa hazır olduğunu bildirir. I b və VI a siniflərinin birgə hazırladığı Torpaq çərşənbəsi şənliyi məktəbin həyətində oldu. Tədbir məktəbin direktorunun bayram tonqalını alovlandırması ilə başladı. Sonra isə şagirdlərlər tonqal ətrafında rəqs etdilər. Bayram şənliyi qızların Novruza və Çərşənbələrə aid haxıştaları, Kosa- Keçəlin səhnəcikləri , müxtəlif musiqi nömrələri ilə davam etdi. Milli adət-ənənələri özündə əks etdirən bu tədbiri məktəbin ibtidai sinif müəllimi Şəhla Əliyeva və musiqi müəllimi Nailə Heydərova hazırlamışlar.
