Şagirdlər Daxili Qoşunların yaranmasının ildönümü ilə əlaqədar hərbi hissədə olublar
13 mart 2017-ci il tarixdə şagirdlərdə vətənpərvərlik ruhunun yüksəldilməsi və vətənə, torpağa sevgi hissinin aşılanması məqsədilə məktəbin sinif müəllimi Şəhla Əliyeva öz sinfi ilə daxili qoşunların N saylı hərbi hissəsində oldular. Daxili qoşunların yaranmasının 25-ci ildönümü ilə əlaqədar keçirilən tədbirdə məktəbin direktoru, tərbiyə işləri üzrə direktor müavini, məktəbin GÇH rəhbəri və "Şahinlər" komandası iştirak etdi. Əsgərlərin təntənəli yığıncağında məktəbin direktoru Asif Nəbiyev təbrik çıxışı etdi. 1 b sinfinin şagirdləri müxtəlif musiqi nömrələri ilə çıxış edərək, vətənpərvərlik mövzusunda şeirlər söylədilər. Daha sonra şagirdlər hərbi hissəni gəzib,əsgərlərin yaşadığı şəraitlə tanış oldular. Ekskursiyanın sonunda əsgərlərin tədris otağında sinif müəllimi Ş.Əliyeva acıq dərs keçdi. Dərsdə şagirdlər Vətənimizin müdafiəsində qəhrəmanlıq göstərmiş əsgərlərimiz haqqında hazırladıqları məlumatları bölüşdülər. Günün sonunda hərbi hissə rəhbərliyi müəllim heyətinə fəxri fərmanlar təqdim etdi.
