Musiqi müsabiqəsi keçirildi
28.02.2017-ci il tarixdə “Ekoloji aylıqlar” layihəsi çərçivəsində, Mədəniyyət və İncəsənət aylığı ilə bağlı şagirdlərin incəsənət, musiqi bacarıqlarının aşkar olunması məqəsdilə məktəbdə musiqi müsabiqəsi keçirildi. Müsabiqədə şagirdlərin ifasında həm milli, həm də xarici musiqilər səsləndi. Şagirdlərimiz tarda, sazda ifalar etdilər və vokal ifalarını nümayiş etdilər. Bundan əlavə şagirdlərin milli və ispan rəqsləri, bədii qimnastika və müxtəlif xoreoqrafiyadan ibarət çıxışları oldu. Məktəbin musiqi müəllimi Heydərova Nailənin təşkilatçlığı ilə keçirilən bu müsabiqədə I-VII siniflərdən olan istedadlı şagirdlər iştirak edərək öz bacarıqlarını məktəbin müəllim və şagird kollektivinə nümayış etdilər. Müsabiqədə müxtəlif nominasiyalar üzrə qaliblər və həvəsləndirici yerlər təyin olundu. Sonda məktəbin direktoru Nəbiyev Asif müsabiqədə iştirak edən və qalib olan şagirdləri təbrik edərək tədbirin təşkilatçılarına təşəkkürünü bildirdi.
