“Dünya azərbaycanlılarının Həmrəylik günü” münasibətilə “Folklor musiqi” müsabiqəsi keçirilmişdir
22 dekabr 2016-cı il tarixdə Nizami rayonu Gənclər İdarəsinin təşkilatçılığı ilə rayon məktəblərinin bədii kollektivləri arasında 31 Dekabr “Dünya azərbaycanlılarının Həmrəylik günü” münasibətilə “Folklor musiqi” müsabiqəsi keçirilmişdir. Bu müsabiqədə məktəbimizin şagirdləri aktiv iştirak edərək 5 nömrə ilə çıxış etmişdir (solo rəqs, kollektiv rəqs, solo gitar, solo tar, solo saz). 24 məktəbin iştirak etdiyi bu müsabiqədə məktəbimizin VII sinif şagirdi Şıxəliyev Fateh solo tar nominasiyasında uğurla çıxış edərək III yerə layiq görülmüşdür. Münsiflər heyəti tərəfindən istedadlı tarzən kimi qeyd olunan şagirdimiz böyük həvəslə bu müsabiqədə iştirak etmişdir. Münsiflər heyəti məktəbin musiqi müəllimi Nailə Heydərovanın fəaliyyətini yüksək qiymətləndirərək şagirdlərin hazırlığını qeyd etmişlər. Qalibə diplom və hədiyyə təqdim olunmuşdur.
