Azərbaycan Beynəlxalq “Telekommunikasiya və İnformasiya Texnologiyaları” - “Bakutel 2016” sərgi-konfransında məktəbimiz də iştirak etdi
29 noyabr tarixində Bakı Ekspo Mərkəzində Azərbaycan Beynəlxalq “Telekommunikasiya və İnformasiya Texnologiyaları” - “Bakutel 2016” sərgi-konfransı öz qapılarını ziyarətçilərin üzünə açdı. Həmçinin məktəbimiz də bu sərginin iştirakçısı olmuşdur. Regionun ən böyük sahəvi tədbirlərindən biri olan “Bakutel” sərgisi 20 ildən artıqdır ki, hər il telekommunikasiya sahəsinin aparıcı iştirakçılarını bir araya toplayır. İnformasiya texnologiyaları üzrə məhsul və xidmətlərin nümayiş olunduğu əsas meydança kimi, “Bakutel” sərgisi möhkəm əlaqələrin qurulduğu və yeni müəssisələrin təsis olunduğu başlıca biznes-platformaya çevrilib. Azərbaycan Respublikasının Prezidenti İlham Əliyev və xanımı Mehriban Əliyeva “Bakutel-2016” sərgisi ilə tanış olublar. Məktəbimizin informatika müəlliməsi Mirzəyeva Leyla, texnologiya müəlliməsi Mehdiyeva Lalə və 5c, 6a, 7a, 8a siniflərinin şagirdləri sərginin iştirakçıları olmuş və müxtəlif yarışlarda iştirak etmişlər. Azərbaycan Mobil operatorlarının təşkil etdiyi müsabiqələrə qatılaraq qalib gəlmiş şagirdlərimiz mükafatlandırılaraq, müxtəlif hədiyyələrlə təltif olunmuşlar.
