16 Noyabr- Beynəlxalq Tolerantlıq günüdür
Noyabr ayında Milli bayramlar və xüsusi günlərin qeyd olunması məqsədilə Noyabr ayı üçün tərtib olunmuş tədbirlər planına uyğun olaraq məktəbdə silsilə tədbirlər həyata keçirilməkdədir. Bu tədbirlərdən biri noyabr ayının 15-də 9a sinfində 16 Noyabr Beynəlxalq Tolerantlıq günü münasibətilə dəyirmi masa təşkil olunmuşdur. Şagirdlər "Azərbaycan tolerantlıq diyarıdır" adlı film-slayt izləmiş, daha sonra isə müəllimlərlə birgə Azərbaycanda hökm sürən siyasi quruluşlarından asılı olmayaraq hər zaman xalqımız ərazisində yaşayan bütün xalqların, həmçinin müxtəlif dinlərin nümayəndələrinə hörmət və ehtiramla yanaşmaqlarından danışmışlar. Söhbətlər geniş müzakirəli xarakterdə davam edərək şagirdlərin fəallıq və dünyagörüş səviyyələrinə müsbət təsir göstərmişdir.
