Abdulla Şaiqin Mənzil-Muzeyi ilə birgə Novruz tədbiri
12 mart 2022-ci il tarixində Abdulla Şaiqin Mənzil-Muzeyinin və 328 nömrəli məktəbin birgə təşkilatçılığı ilə Mənzil-Muzeydə Novruz bayramına həsr olunmuş "Gözəl Bahar" adlı tədbir keçirildi. Tədbirdə Mənzil-Muzeyin işçiləri, 2"B" sinfinin rəhbəri Şəhla Əliyeva, 2"B" sinfinin 30 şagirdi və 26 valideyn iştirak etdilər.
Əvvəlcə Azərbaycan dilinə aid məlumatlar verildi, dilə aid şeirlər deyildi.
Şagirdlər çərşənbələr haqqında, Novruz bayramı haqqında məlumatlar verdilər, səhnəciklər göstərdilər.
Şagirdlər A. Şaiqin "Tıq-Tıq xanım" əsərindən səhnəciklər göstərdilər. Valideynlər milli geyimdə "Yallı" rəqsi ilə uşaqları dövrəyə aldılar. Valideyn Lalə İsmayılova A. Şaiqin "Beşiyimi verin mənə" şeirini səsləndirdi. Yenə A. Şaiqıə müraciət edildi. "Danışan gəlincik" əsərindən səhnəciklər göstərildi. Tədbir "Yallı" rəqsi ilə yekunlaşdı. Muzeyin direktoru Ülkər Talıbzadə şagird və valideynlərə, xüsusi ilə sinif rəhbəri Şəhla Əliyevaya təşəkkür etdi. O qeyd etdi ki, 328 nömrəli məktəblə əməkdaşlığı bundan sonra da davam etdirəcəklər.
