Şagirdlərimiz qocalar evini ziyarət etmişlər
Məktəblilərin uşaq yaşlarından böyüklərə, qocalara və əlillərə hörmət, ehtiram və mərhəmət hissinin gücləndirilməsi məqsədilə 22 oktyabr tarixində məktəbimizin 3a sinfinin şagirdləri, valideynləri, sinif muəllimi və YAP Nizami rayon təşkilatı ilə birgə Bilgəhdə yerləşən müharibə və əmək əlilləri üçün pansionata ziyarət etmişdirlər. Pansionatın sakinlərinə həmin günü daha maraqlı və fərqli olması üçün şagirdlər və onların valideynləri tərəfindən hazırlanmış sovqatlar təqdim olunmuş, onları otaqlarında ziyarət edərək şeir ve mahnılarla sevindirmişlər. Şagirdlər bu günü öz xatirələrində ən sevincli və şərəfli bir gün kimi yadda saxlayaraq öz valideynlərinə, vətənə nümunəvi və layiqli bir övlad olacaqları haqqında yaşlı nənələrinin və babalarının qarşısında çıxış edərək söz verdilər. Daha sonra pansioatin sakini qocaman müəllimə şagirdlərə dəyərli nəsihətlər verərək onlara təşəkkür etdi. Sonda isə şagirdlər onlarla xatirə şəkilləri çəkdirərək bu günü əbədiləşdirdilər.
