ADPU-nun əməkdaşlarının məktəbin 10 və 11-ci sinif şagirdləri ilə onlayn görüşü
328 nömrəli məktəbdə şagirdlərin peşəyönümünə həmişə diqqət yetirilir. 09.06.2021-ci il tarixində ADPU-nun əməkdaşları məktəbin 10 və 11-ci sinif şagirdləri ilə onlayn konfrans keçirdi. Məqsəd şagirdləri ADPU haqqında, orada olan təhsil şəraiti və ixtisaslar haqqında məlumat vermək, şagirdlərin suallarına cavab vermək, beləliklə onların peşəyönümünü istiqamətləndirmək idi.
Məktəbin direktoru Asif Nəbiyev konfrans iştirakçılarını salamlayaraq görüşün məqsədini izah etdi.
ADPU Karyera Mərkəzinin direktoru Könül Əsgərova universitet haqqında şagirdlərə geniş və ətraflı məlumat verdi. Görüşdə filologiya fakültəsindən Xatirə Əliyeva, təsviri incəsənət və fiziki tərbiyə fakültəsindən Təyyar Eminov, riyaziyyat fakültəsindən Nahidə Acalova, tarix və coğrafiya fakültəsindən Samirə Ramazanova iştirak etdi.
ADPU-nun əməkdaşları şagirdləri maraqlandıran suallara cavab verdilər.
