Şagirdlərimiz 12-ci Təhsil Sərgisində iştirak ediblər
13 oktyabr 2018-ci il tarixində məktəbimizin 8-ci, 9-cu və 11-ci sinif şagirdlərindən ibarət bir qrupu məktəbin direktoru Günay Rüstəmova və psixoloqu Məlahət Qasımlının rəhbərliyi ilə Baku Expo Centerdə təşkil olunan 12-ci Azərbaycan Beynəlxalq Təhsil Sərgisində iştirak ediblər.
Şagirdlərimiz "Uşaqların gələcəyinə sərmayə" devizi altında təşkil olunan sərgidə ölkəmizin aparıcı universitetlərinin təqdim etdikləri stendlərlə yanaşı, sərginin "Xaricdə təhsil" sektorunda xarici ölkələrin orta ixtisas və ali təhsil müəssisələrinin təqdim olunan imkanları ilə də tanış oldular.
Şagirdlərimiz, eyni zamanda sərgidə təqdim olunan "Olimpiadalara hazırlıq mərkəzi", "SABAH qrupları", "Sağlam təhsil-sağlam millət","Məktəblinin dostu","İT STEP", müəllim və şagirdlər üçün hesablama təfəkkürünü inkişaf etdirən ilk oyun tipli təhsil platforması olan Polyup və digər stendlərlə də tanış oldular.
