"Zəif Bənd" oyunu keçirildi
1 may 2018-ci il tarixində məktəbimizin 8 a sinfinin şagirdləri arasında Azərbaycan Xalq Cümhuriyyətinin yaradılmasının 100 illiyinə həsr olunmuş "Zəif Bənd" intellektual oyunu keçirildi.
İlk öncə 8 a sinfinin rəhbəri Səadət Hacıyeva "Zəif Bənd" oyununun aparıcısı olaraq şagirdləri və digər iştirakçıları oyunun şərtləri ilə tanış etdi.
"Zəif Bənd" oyunu zamanı şagirdlərə Azərbaycan dili və ədəbiyyat,riyaziyyat,İngilis dili,tarix,biologiya,kimya, fizika,coğrafiya,həyat bilgisi,informatika fənlərinə və dünyagörüşünə aid suallar səsləndirildi. İntellektual oyun boyunca şagirdlərin fəallığı izlənildi.
Münsiflər heyəti olaraq məktəbin direktoru Ruhiyyə İbrahimova ilə birgə, qeyd olunan fənnləri tədris edən müəllimlər iştirak edirdi.Tədbirdə həmçinin valideynlər də iştirak edirdi.
"Zəif Bənd" oyununun final mərhələsinə qədər gəlib çatan 8 a sinfinin 3 şagirdi Mahmudova Aygün ,Əlişov Məhəmməd,Səfərov Cəfər müvafiq olaraq birinci,ikinci və üçüncü yerə layiq görüldülər.Oyunun qalibi olan Mahmudova Aygünə xüsusi mükafat və hədiyyə təqdim olundu.
Məktəbimizin direktoru R.İbrahimova tərəfindən 8 a sinifi "Zəif Bənd oyununda fəallığına görə diplomla təltif olundu.
8 a sinfinin şagirdlərinə dərslərində və onların sinif rəhbəri S.Hacıyevaya gələcək fəaliyyətində uğurlar arzu edirik!
