Xəzər rayonunda Novruz bayramı münasibətilə ümumrayon şənliyi keçirildi
19 mart 2018-ci il tarixində Xəzər rayonunun Mərdəkan qəsəbəsində yerləşən Heydər Əliyev adına istirahət parkında Novruz bayramı münasibətilə ümumrayon şənliyi keçirilmişdir.
Bayram şənliyində Xəzər Rayon İcra Hakimiyyətinin başçısı cənab Gülağa İslamov, YAP Xəzər Rayon Təşkilatının sədri Namiq Əhmədov, Xəzər İnkişaf Fondunun rəhbəri Elmar Mədətov, Xəzər rayonunun Hüquq mühafizə orqanlarının rəhbərləri, idarə, müəsissə və təşkilatların rəhbərləri, təhsil, səhiyyə, mədəniyyət müəssisələrinin əmək kollektivləri və rayon ictimaiyyəti iştirak etmişdir.
323 №li tam orta məktəbin kollektivi də qeyd olunan tədbirdə fəal iştirakı ilə seçildi. Xəzər rayon İcra Hakimiyyətinin nümayəndəliyi şagirdlərimizin hazırladıqları əl işləri,Novruz xonçaları,çay dəsgahı ilə tanış oldular,həmçinin qonaqlar tərəfindən Kosa və Keçəlin rəqsi maraqla izlənildi.
Daha sonra şənlik konsert proqramı ilə davam etdirildi.
