Bakı şəhər məktəbliləri arasında 64 xanalı dama üzrə turnir keçirilib
14 dekabr 2017-ci il tarixdə 4 nömrəli İOEUGİŞM-də Bakı Şəhər Gənclər və İdman Baş İdarəsi və Bakı Şəhəri üzrə Təhsil İdarəsi tərəfindən Bakı şəhər məktəbliləri arasında 64 xanalı dama üzrə turnir təşkil olunub keçirilmişdir. Paytaxt məktəblərinin I - XI sinif şagirdlərinin iştirakı ilə komanda xarakteri daşıyan turnirdə III yeri Xəzər rayonunu təmsil edən 323 nömrəli tam orta məktəbin komandası (Rəsulov Simran, Məmmədov Qadir, Əlişov Məhəmməd, Heydərli Məhəmməd, Babazadə Aydan, Qurbanova Aytən) tutmuşdur.
Yarışın bağlanış mərasimində Bakı Şəhər Gənclər və İdman Baş İdarəsinin baş məsləhətçisi, paytaxtın dama idman növü üzrə koordinator-kuratoru Salman Əbdülov və 4 nömrəli İOEUGİŞM-in direktoru Elvin Hüseynov qalibləri təbrik etmiş, onlara gələcək yarışlarda müvəffəqiyyətlər arzulamışlar. Yarışda I, II və III yerləri tutmuş komandaların üzvləri Bakı Şəhər Gənclər və İdman Baş İdarəsi tərəfindən müvafiq dərəcəli diplomlar və medallarla təltif olunmuşlar.
Yarışda qazanılan nəaliyyətə görə başda 323 nömrəli tam orta məktəbin idman müəllimi Cəfər müəllim olmaqla komanda üzvlərini təbrik edir,növbəti yarışlarda uğurlar arzu edirik!
