Xəzər rayonunda Veloidman növü üzrə birincilik yarışı.
“Olimpiya Hərəkatı” proqramı çərçivəsində Şağan Olimpiya İdman Kompleksində 25.11.2015-ci il tarixində Xəzər Pirallahı rayonlarının tam orta məktəbləri arasında veloidman növü üzrə Bakı şəhər birinciliyinin rayon mərhələsi keçirildi.Yarışda Xəzər rayonunun 30 məktəbinin VII, VIII sinif şagirdləri iştirak edib. Yarış estafetşəklində hər komandanın tərkibi 3 oğlan 1 qız olmaqla keçirildi.Tədbirdə Xəzər rayon Gənclər və İdman İdarəsinin məsul işçiləri, Azərbaycan Velosiped İdman Federasiyasının məsul işçisi Faiq Qurbanov iştirak etdi.800 metrlik maşrut boyunca estafet sistemi üzrə yarışdılar. Pirallahı rayonu məktəbləri arasında 1-ci yerə 235 saylı orta məktəbin komandası layiq görüldü. 243 və 108 saylı məktəblərin komandaları müvafiq olaraq 2-3-cü yerləri tutublar. Xəzər rayonu məktəbləri arasında birinci yerə 26 saylı tam orta məktəbin komandası, 2-ci yerə 92 nömrəli tam orta məktəb, 3-cü yerə isə 183 saylı orta məktəb, 4-cü yerə 323 nömrəli tam orta məktəbin komandası layiq görüldü.Məktəbimiz bu yarışda bir an vaxt itkisi ilə 30 kamanda arasında 4-cü yeri müəyyənləşdirdi.Bu yarışlarda ilk 3 yeri tutan komandalar isə final mərhələsi gələn ilin yanvarında təşkil ediləcək Bakı şəhər çempionatında iştirak hüququ əldə edirlər.
