Azərbaycan dili fənni üzrə "Açıq dərs" keçirildi.
4 dekabr 2017-ci il tarixində 323 nömrəli tam orta məktəbində "Azərbaycan dili" fənn aylığının növbəti "Açıq dərs"i keçirildi. Dərs məktəbin 3c sinfində ibtidai sinif müəllimi Baqişeva Aysel tərəfindən keçirildi.
"Gözlər. Çoxmənalı sözlər" mövzusunda keçirilən dərs müasir dərsin tələblərinə uyğun olaraq şagirdlərin bilik və bacarıqlarının formalaşmasına yönələn metodlarla aparıldı. Şagirdlərin yüksək fəallığı ilə müşahidə olunan dərsin təşkilində fəal dərsin bütün mərhələlərindən istifadə olunmuşdur.
Dərsi dinləyən məktəbin direktoru Ruhiyyə İbrahimova, metodbirləşmə rəhbəri Mahmudova Arifə və digər ibtidai sinif müəllimləri müəllimin yaradıcı işini, fəal təlim metodlarından məharətlə istifadə etməsini yüksək qiymətləndiriblər.
Aysel müəllimə gələcək pedaqoji fəaliyyətində uğurlar arzu edirik!
