"Azərbaycan Respublikasının Dövlət Bayrağı Günü" münasibətilə tədbir keçirildi.
Bu gün respublikanın əksər ümümtəhsil müəssisələrində olduğu kimi məktəbimizdə də 9 noyabr- "Azərbaycan Respublikasının Dövlət Bayrağı Günü" münasibət ilə tədbir keçirildi. "Dövlət bayrağının tarixi" mövzusunda təşkil olunmuş tədbir, Azərbaycan Respublikasının Dövlət himninin səsləndirilməsi ilə başlanıldı. Tədbirdə üçrəngli,ay-ulduzlu bayrağın ilk dəfə Azərbaycan Xalq Cumhuriyyəti dövründə ucaldılması,ikinci dəfə bayrağın ucaldılmasında xalqımızın böyük oğlu, ulu öndər Heydər Əliyevin böyük təşəbbüsü, "Bayraq günü"nün təsis olunması və mahiyyəti haqqında geniş məlumat verildi. Daha sonra şagirdlərimizin ifasında vətənpərvərlik ruhunda şeir və mahnılar maraqla dinlənildi. Tədbirin keçirilməsində məqsəd şagirdlərimizə milli-mənəvi dəyərlərə,həmçinin dövlət atributlarına hər zaman hörmət etməyi, vətənə, bayrağa, torpağa məhəbbət və sevgi hislərini aşılamaq olmuşdur.
