15 Sentyabr - Azərbaycanda "Bilik günü"dür.
15 sentyabr yeni tədris ilinin başlanması - Bilik günü respublikamızın bütün təhsil ocaqlarında olduğu kimi 323 nömrəli tam orta məktəbdə də böyük təntənə ilə qeyd edildi. 15 sentyabr məktəb həyatına ilk dəfə qədəm basan birincilər üçün səbirsizliklə gözlənilən bir gündür. 15 sentyabr ilk öncə şagirdlər, tələbələr, müəllimlər və təlim-tədris sahəsində çalışan hər kəs üçün yeni tədris ilinin başlandığını qeyd etdikləri bayram günüdür. 15 sentyabr ilk dərs günü, məktəbin həyətində tədbir keçirildi. Tədbir Azərbaycan Respublikasının himninin səslənməsi ilə başladı. Tədbiri açıq elan edən məktəbin direktoru Ruhiyyə İbrahimova öz çıxışında bütün şagirdləri və müəllimləri “Bilik günü” münasibətilə ilə təbrik etdi. Sonra ali təhsil ocaqlarına qəbul olan məzunlarımızı təbrik edərək onlara irəlilədikləri yolda uğurlar dilədi. Ruhiyyə İbrahimova bildirdi ki,Təhsil Naziri cənab Mikayıl Cabbarovun müvafiq sərəncamı ilə bütün təhsil ocaqlarında ilk dərslər “Cocuq Mərcanlı-tarixi qayıdışın başlanğıcı” mövzusuna həsr ediləcək. Daha sonra valideynlər və müəllimlər şagirdləri yeni dərs ili münasibəti ilə təbrik etdilər. Söz birincilərə verildi. Sonra 2017-2018-ci tədris ilinin ilk zəngi çalındı və tədbir sona yetdi.
