15 sentyabr - Azərbaycanda "Bilik Günü"dür.
15 sentyabr - Azərbaycanda "Bilik Günü"dür. 2004-cü il avqustun 21-də İlham Əliyev ölkənin təhsil müəssisələrində təlimin keyfiyyətinin yüksəldilməsi və ümumilikdə təhsil sisteminin təkmilləşdirilməsi məqsədilə fərman imzalayıb. “Azərbaycan Respublikasında “Bilik Günü”nün təsis edilməsi və təhsil müəssisələrində iş rejiminin tənzimlənməsi haqqında” fərmana əsasən, ölkənin bütün təhsil müəssisələrində dərslər sentyabrın 15-də başlanır və 15 sentyabr "Bilik Günü" elan edilir. Hər bir məktəblinin və müəllimin səbirsizliklə gözlədiyi 15 sentyabr - "Bilik Günü" Xəzər rayon yeni Qala qəsəbəsi 323 saylı tam orta məktəbdə də qeyd edilib. Yeni dərs ilinin başlanmasına həsr olunmuş tədbir Azərbaycan Respubilkasının Dövlət Himninin səsləndirilməsi ilə başlayıb. Məktəbin direktoru Ruhiyə İbrahimova çıxış edərək "Bilik Günü" münasibəti ilə müəllim və şagirdləri təbrik edərək onlara yeni tədris ilində uğurlar arzulayıb.
