5 oktyabr Beynəlxalq müəllimlər günüdür
05.10.2016-cı il tarixində 323 nömrəli tam orta məktəbdə Beynəlxalq müəllimlər gününə həsr olunmuş tədbir keçirildi. Tədbiri açıq elan edən məktəbin direktoru 5 oktyabr - Beynəlxalq müəllimlər günü münasibəti ilə 323 nömrəli tam orta məktəbin müəllimlərini təbrik edərək,onlara sağlah həyat işlərində uğurlar arzuladı. Sonra İbtidai sinif müəllimi Mahmudova Arifə 5 oktyabr müəllimlər günü münasibəti ilə müəllimləri təbrik etdi.5 oktyabr Beynəlxalq müəllimlər günündə məktəb Həmkarlar İttifaqı təşkilatının sədri məktəbin müəllimlərini təbrik edərək onlara bu şərəfli yolda uğurlar arzuladı. Təcürbəli müəllim Hüseyinov İbrahim müəllimin 60 illik yubleyi münasibəti ilə təbrik edildi. Məktəbin gözətçisi Rzayev Eldar 60 illik yubleyi münasibəti ilə Həmkarlar İttifaqı təşkilatı tərəfindən hədiyə mükafatı ilə mükafatlandırıldı.Müəllim əməyinin nəticəsində cəmiyyət formalaşır, savadlı,bilikli, geniş dünyagörüşlü, nümunəvi əxlaqa malik insanlar yetişir. Bu insanlar isə cəmiyyəti daha da inkişaf etdirir. Hazırda dövlətimizin müstəqilliyinin möhkəmlənməsindəfəal iştirak edən insanlar məhz müəllim əməyinin yetirmələridir. Müəllimlik dünyada ən çətin, eyni zamanda ən şərəfli və ən ğözəl peşədir. Peşə bayramınız mübarək əziz müəllimlər!
