Zəfər tariximiz
24 oktyabr 2024-cü il tarixində 321 nömrəli tam orta məktəbin 5 şagirddən ibarət komandası Qaradağ Gənclər evinin təşkil etdiyi İntellektual yarışda iştirak etdi.9-cu sinif şagirdləri arasında keçirilən yarış Vətənimizin tarixinə, 44 günlük Qarabağ müharibəsinə, Şanlı qələbəmizə həsr olunmuşdu.
Komandamızın üzvləri-9-cu sinif şagirdləri Məcidli Fatimə, Fərzili Qənirə, Abbaszadə Nüşabə, Əliyev Səbuhi və Zərbəliyev Anar əsl bilik mübarizəsi apararaq 1-ci yeri əldə etdilər.2-ci yeri Ələt qəsəbəsinin 302 nömrəli tam orta məktəbi, 3-cü yeri isə Sahil qəsəbəsinin 228 nömrəli tam orta məktəbi qazandı.
Məktəbimizin direktoru Vasif Musayev Zəfərimizə həsr olunmuş bilik yarışından qələbə ilə qayıdan komanda üzvlərini təbrik etdi.
