“Uşaq hüquqları müdafiəsi” və “Uşaq hüquqları Konvensiyası” mövzularında seminar
Məzahir Rüstəmov adına 32 nömrəli tam orta məktəbdə 24 may tarixində 10 “b” sinfində məktəbin psixoloqu tərəfindən “Uşaq hüquqları müdafiəsi” və “Uşaq hüquqları Konvensiyası” mövzularında seminar keçirildi. Ölkəmizdə uşaqların hüquqlarının müdafiəsi ilə bağlı islahatlardan və təşkilatların iş prinsipindən danışıldı. BMT-nin Baş Assambleyası tərəfindən 1989-cu il 20 noyabrda qəbul edilmiş Uşaq Hüquqları Konvensiyası və onun uşaqların yaşaması, inkişafı üçün zəruri olan minimum standartlarından bəhs edildi. Uşaqların iqtisadi, sosial, mədəni və siyasi hüquqlarından məlumat verildi.
