32 №-li tam orta məktəb

  Zəhranın 11 yaşı var. Məktəbimizin istedadlı şagirdlərindəndir. Əl işləri göz oxşayır, çəkdiyi şəkillərlə her yerdə qaliblər sırasında adı çəkilir. Uğurların bol olsun, arzuların gerçək olsun.

 YAP-ın rəhbərliyi vastəsilə "fiziki məhdudiyyətli şəxslər üçün dəstək tədbirləri" bilik yarışı təşkil olunmuşdur. Bu yarışda məktəbimizin şagirdləri iştirak ediblər və II yerə layiq görülüblər.

  Məktəbimizin 10a sinif şagirdi Cavidan Mahmudzadə "Tarixin izi ilə: yaddaşımız gələcəyimizdir" II gənclər düşərgəsi çərçivəsində təşkil edilən Nə?, Harada?, Nə zaman? inellektual oyununda I yerə layiq görülmüşdür. Şagirdimizə uğurlar diləyirik.

  2023-2024-cü tədris ilinin yekun pedaqoji şura iclası keçirildi. Məktəbin direktoru Sevda Abdullayeva müzakirələr, hesabatlar haqqında və uğurlarımızdan danışdı. Sertifikasiya imtahanında 60 bal, 56 bal, 57 bal toplayan müəllimlərimiz fəxri fərmanla təltif olundular. Həmkarların sədri Səyyarə Məsimova çıxış etdi. Metobirləşmə rəhbərləri illik hesabatlarını verdilər. 

 Yeni tədris ilində tam enerji və güclü motivasiya ilə görüşmək ümidi ilə hamınıza xoş istirahətlər, hələlik!

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.