32 №-li tam orta məktəb

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

 Məktəbin istedatlı şagirdlərindən biri Məmmədli İslam uşaq musiqi məktəbində keçirilən konsertdə iştirak etmişdir. "Uşaqlar Günü" münasibətilə diplomla təltif olunmuşdur.

  “1 iyun-Uşaqların Beynəlxalq Müdafiəsi günü” qeyd edilir. Məktəbimiz bununla əlaqədar olaraq rəsm işləri, şagirdlərin şeirləri, mahnılar, nağıllar aləminə səyahəti, möhtəşəm çıxışları nümayiş olundu. Bu gün sizin gününüzdür əziz uşaqlar! Uşaqların xoşbəxt olması diləyi ilə bütün uşaqları təbrik edirik. Sevincli, uğurlu həyat yolu arzulayırıq.

 22.05.2023 və 02-06-2023-cü il tarixlərində məktəbin bütün siniflərində BSQ-lərin keçirilməsinə start verildi.

 Azərbaycan təhsil strategiyasının hazırlanmasında "Heydər Əliyevin rolu" mövzusunda məktəbin tarix müəllimi İmmi Hüseynova iştirak etdi. Onlayn keçirilən Beynəlxalq Elmi konfransda bir çox universitetlərin müəllimləri ilə birgə "Ümummilli Lider H.Əliyev" fəaliyyətinin bütün dövrlərində Elm və Təhsilə yüksək qayğı ilə yanaşmasında rolundan bəhs olunur.