Ulu öndər Heydər Əliyevin anım günü ilə əlaqədar tədbir keçirilib
Bakı şəhəri Nizami rayonu M.Rüstəmov adına 32№-li tam orta məktəbdə Ulu Öndər Heydər Əliyevin anım tədbiri keçirildi. Tədbirdə məktəbin direktoru Sevda Abdullayeva ,müəllim kollektivi və şagirdlər iştirak etdilər.Məktəbimizin şagirdləri Ulu öndər Heydər Əliyevə,vətənə ,bayrağa həsr olunmuş şeirlər, mahnılar səsləndirdilər.Tədbirin balaca iştirakçıları xüsusilə diqqət cəlb edirdilər. Tədbirdə ümummilli liderə həsr olunan film nümayiş olundu.Çıxış edənlər böyük şəxsiyyətin həyatı və Azərbaycanımız naminə, ölkəmizin inkişafı yolunda gördüyü saysız-hesabsız işlər barədə iştirakçılara məlumat verdilər.Daha sonra məktəbin direktoru Sevda Abdullayeva çıxış etdi.Məktəbin direktoru bildirdi ki, Ulu öndər Heydər Əliyev Azərbaycanı dönməz müstəqilliyə ,inkişafa apardı.Azərbaycan xalqı xoşbəxtdir ki, bu ölkəyə Heydər Əliyev kimi müdrik insan,siyasi lider rəhbərlik edib və bugün bu siyasət dövlət başçısı cənab İlham Əliyev tərəfindən uğurla davam etdirilir..Tədbirin sonluğu iştirakçıların “Heydər ata”musiqisini ifa etməsi ilə başa çatdı.
