15 SENTYABR "BİLİK GÜNÜ"
Sentyabrın 15-də Suraxanı rayon 316 saylı məktəbdə təlimata uyğun olaraq əvvəlcədən məktəb həyətində 2 metrlik məsafə ilə hazırlanmış xətlər üzərində şagirdlər düzüldülər.Müəllimlər və onlara ayrılmış köməkçilər məktəb rəhbərliyinin nəzarəti altında şagirdləri hissə-hissə ara məsafəsi saxlanılmaqla əvvəlcə temperaturlarını ölçdülər,hər bir şagirdin əlləri dezinfeksiya olundu. Şagirdlər yarımqrup şəklində siniflərə daxil oldular. Hər partada bir nəfər olmaqla məktəblilər dərslərə başladılar. Hər tərəfdən: məktəbin foyesindən koridorlardan və sinif otaqlarında asılmış lövhələrdən Covid-19 haqqında məlumatlar almaq olardı. İlk dərslər şagirdlərin bu virus ilə necə mübarizə aparmaq qaydalarına həsr olunmuşdur . Müəllimlər tərəfindən hazırlanmış slay şoular göstərildi və ətraflı məlumatlar verildi.
