Bullinq nədir və onun fəsadları
Təhsil müəssisələrində müşahidə olunan ən qabarıq problemlərdən biri təhsilalanlar arasında yaranan təzyiq və aqressiv davranışlardır. Bu kimi halların qarşısının alınması məqsədilə təhsil müəssisəsi olaraq "Bullinq, onun fəsadları, onunla mübarizə aparmaq yolları" haqqında şagirdlərimizi maarifləndirmək bizim öhdəliyimizə düşür. Bu məqsədlə məktəb psixolaqları 4-cü siniflərdə "Bullinq nədir və onun fəsadları" mövzusunda seminar təşkil etdilər. Seminarın təşkilində məqsəd şagirdlər arasında sağlam mənəvi psixoloji mühitin təmin edilməsi, təhsilalanların fiziki və psixoloji təzyiq hallarından qorunmasına yardımçı olmaqdır. İlk olaraq özündə bullinqi əks etdirən video-çarxlar nümayiş etdirildi, həmin video ilə bağlı şagirdlərin fikirləri soruşuldu. Daha sonra şagirdlər bullinq , onun növləri ilə bağlı məlumatlandırıldı. Eyni zamanda bullinqin şagirdlər arasında kiminsə təklənməsi , birinə bilərək təzyiq göstərilməsi , onun yaratdığı fəsadların şagirdin həyatına necə təsir etdiyi də qeyd edildi. Sonda "Bullinqlə necə mübarizə aparmalıyıq?" sualı ətrafında müzakirələr aparıldı. Şagirdlərin sualları cavablandırıldı və onlara tövsiyələr verildi.
