306 №-Lİ TAM ORTA MƏKTƏB

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində Xocalı soyqırımının iyirmi səkkizinci ildönümü ilə əlaqədar silsilə tədbirlər keçirilib.

Təhsil müəssisələrində “Xocalısız 28 il”,  “Xocalı soyqırımı tarixin qan yaddaşıdır”,  “Xocalı-əsrin faciəsi”, “Unutsaq unudularıq”, “Bir yurd vardı-Xocalı”, “Xocalı uşaqların gözü ilə”, “Xocalı fəryadı”, “Xocalıya gedən yol”, “Bir şahidin beş şəhidi” və digər mövzularda dərslər, mühazirələr, “Dəyirmi masa”lar, ədəbi-bədii kompozisiyalar, rəsm və inşa müsabiqələri, idman yarışları keçirilib. Həmçinin divar qəzetlərindən ibarət sərgilər təşkil olunub, stendlər, guşələr, bülletenlər hazırlanıb.

Tədbirlərdə soyqırım qurbanlarının xatirəsi bir dəqiqəlik sükutla yad edilib. Şagirdlərə Xocalı faciəsinin tarixindən bəhs olunub. Bildirilib ki, 1992-ci il fevralın 25-dən 26-na keçən gecə bədnam ermənilər xalqımıza qarşı növbəti qanlı təcavüzə əl ataraq dəhşətli soyqırım törədib, günahsız insanların başına vəhşiliklər gətirib, dinc sakinləri kütləvi şəkildə öldürüblər.

Şagirdlər Vətənə, doğma torpağa olan sədaqət və məhəbbət duyğularını şeirlər,  ədəbi-bədii kompozisiyalar vasitəsilə nümayiş etdiriblər. Faciənin canlı şahidi olmasalar da, eşitdiklərini uşaq təxəyyülü ilə rəsmlərə köçürüblər.

Həmçinin təhsil müəssisələrində Xocalı faciəsi barədə filmlər nümayiş olunub, məktəblilərin və təhsil işçilərinin şəhid ailələri və soyqırım şahidləri ilə görüşləri keçirilib.

Tədbirlərin təşkil olunmasının əsas məqsədi həlak olanların xatirəsini ehtiramla yad etmək, məktəblilərdə vətənpərvərlik hissini yüksəltmək, Xocalı soyqırımı zamanı xalqımıza qarşı törədilən bəşəri cinayətlər barədə həqiqətləri onlara çatdırmaq, işğal altında olan torpaqlarımız haqqında şagirdləri məlumatlandırmaqdan ibarətdir.

Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində və uşaq-gənclər inkişaf mərkəzlərində fevralın 26-da ilk dərs və məşğələlər Xocalı soyqırımına həsr edilib.

 “Xocalı soyqırımının iyirmi səkkizinci ildönümünün keçirilməsi ilə əlaqədar Bakı Şəhəri üzrə Təhsil İdarəsinin Tədbirlər Planı”na əsasən tədris olunan dərslər Xocalı qurbanlarının xatirəsini  yad etmək, böyüməkdə olan nəslə XX əsrin ən dəhşətli hadisələrindən olan Xocalı soyqırımı haqqında ətraflı məlumat vermək, məktəblilərdə düşmənə qarşı barışmazlıq hissi, Vətənə, doğma torpağa sədaqət və məhəbbət duyğularını gücləndirmək məqsədlərinə xidmət edir.

Dərslər Azərbaycanın müstəqilliyi uğrunda canlarını qurban vermiş şəhidlərin və Xocalı qurbanlarının əziz xatirəsinin bir dəqiqəlik sükutla yad edilməsi ilə başlayıb.

Müəllimlər dərs zamanı Xocalının tarixi, coğrafi mövqeyi, faciədən əvvəl əhalinin sayı və tərkibi, iqtisadi göstəriciləri, təhsil, səhiyyə, mədəniyyət ocaqları, tarixi-mədəni abidələri, görkəmli şəxsiyyətlərindən söhbət açıblar. Eyni zamanda, faciə nəticəsində öldürülən, ağır yaralanan, itkin düşən, girov götürülən sakinlərin statistikasından, soyqırımı törədənlərin vəhşi və qeyri-insani xislətindən bəhs ediblər. Bildirilib ki, Xocalı soyqırımı bütün bəşəriyyətə və insanlığa qarşı törədilmiş cinayətdir və bu hadisə yaddaşlarımızdan heç vaxt silinməyəcək.

Daha sonra şagirdlərin Xocalı faciəsi ilə bağlı fikirləri dinlənilib, müvafiq mövzu ətrafında müzakirələr aparılıb. Şagirdlər Vətənə, topağa aid şeirlər səsləndirib, onların hazırladıqları fotostendlər və guşələr nümayiş etdirilib.

Qeyd edək ki, Xocalı soyqırımının iyirmi səkkizinci ildönümü ilə əlaqədar təhsil müəssisələrinin müəllim və şagird kollektivinin soyqırım şahidləri ilə görüşləri və  “Ana fəryadı” abidəsinə ziyarəti də təşkil olunur.

          Məktəblilərin mənəvi aləminin zənginləşdirilməsi, dünyagörüşünün genişləndirilməsi, mükəmməl təhsil alması, öz soydaşları ilə ünsiyyət qurmaq qabiliyyətinin gücləndirilməsi məqsədilə və 21Fevral Beynəlxalq Ana Dili Günü münasibətilə 21.02.2020-ci il tarixdə 306 №-li tam orta  məktəbdə ibtidai sinif müəllimi S.Məmmədovanın təşəbbüsü və II-a sinif şagirdlərinin iştirakı ilə “Ana dilim” mövzüsunda tədbir keçirildi.

         Tədbirdə şagirdlər Azərbaycanın görkəmli şairləri Bəxtiyar Vahabzadə, Nəbi Xəzri, Tofiq Bayram, İsa Cavadoğlunun  ana dili mövzüsunda yazdıqları şeirləri, Məhəmmədhüseyn Şəhriyarın “Heydər babaya salam” poemasından parçalar səsləndirdilər və Səməd Vurğunun “ Vaqif ” dramından səhnəciklər nümayiş etdirdilər, tanınmış şəxsiyyətlərin dil haqqında dedikləri aforizmlər səsləndirdilər.

       Ölkəmizdə ana dilinin inkişafında, beynəlxalq münasibətlər sisteminə yol tapmasında, dilimizin qorunması sahəsində Ulu Öndərimiz Heydər Əliyevin yürütdüyü siyasətdən söhbət açdılar və Ümümilli liderə həsr olunmuş “Heydər babanın nəvələriyik” mahnısını ifa etdilər.

        Tədbirə şagirdlərin təqdim etdiyi “Naz eləmə” rəqsi, “Şirin dil” mahnısı xüsusi maraq qatdı.

    Tədbirdə məktəbin direktoru Gültəkin Ədilova, təlim-tərbiyə işləri üzrə direktor müavini Vüqar Məmmədov, tərbiyə işləri üzrə direktor müavini Nigar Cavadova iştirak etdilər.

Dünyanın hər yerinə yayılmış, əsasən də, Aralıq dənizi ölkələrində tüğyan edən ağır irsi qan xəstəliyi talassemiya daşıyıcıları günü-gündən çoxalır.

       Azərbaycanda, demək olar ki, on nəfərdən biri bu xəstəliyin daşıyıcısıdır. Əgər iki talassemiya daşıyıcısı ailə qurarsa, onların övladları da bu xəstəliyə yaxalanır.

17.02.2020-ci il tarixdə 306№-li tam orta məktəbdə Talassemiya ilə mübarizəyə dair 2015-2020-ci illər üçün Dövlət Proqramını əsas tutaraq talassemiyasız həyat naminə maarifləndirmə xarakteri daşıyan xüsusi dərs təşkil edildi.

       Dövlətimizin talassemiya xəstələrinə maddi və mənəvi dayağı, talassemiyalı uşaqlara xüsusi qayğısı danılmazdır.

       Tədbirdə məktəblilər bu xəstəliyin əlamətləri, onun müalicəsinin əsas prinsipləri və başqa xəstəliklərə yol açması barədə danışdılar. Həyatın ağır yükünü çəkən talassemiyalı uşaqların arzularını əks etdirən səhnəciklər nümayiş etdirdilər, insanları qana ehtiyacı olan talassemiyalı uşaqlara köməyə çağıraraq “Qan ver, xilas et” şüarları ilə çıxış etdilər. Müalicəsi çox baha başa gələn bu xəstəlik haqqında videoçarx nümayiş etdirildi.

   Dünyanın ən qədim oyunlarından biri olan, bir versiyaya görə ilk dəfə hind mütəfəkkiri Herssabin Dahirenin kəşf etdiyi şahmat oyununun həvəskarlarının məktəbdə çoxluq təşkil etdiyini və idmanın bu növündə 306-№ li məktəbin şagirdlərinin  uğurlarını nəzərə alaraq məktəbimizdə 13.02.2020-ci il tarixdə məktəblərarası “ Şahmat analiz sənətidir” başlığı altında yarış təşkil edildi.

   Bu yarışda idmançılarımızın rəqibləri 274№-li və 320№-li məktəbin şahmatçıları idi.  Gərgin keçən ağ-qara fiqurların mübarizəsi zamanı 306 №-li məktəbin şagirdləri ən yüksək nəticə göstərərək "şahı mat" etdilər və I yerə sahib oldular.

Şahmatçılarımızi bu uğurları münasibətilə təbrik edirik.