Novruz çərşənbələri
"Dəyərlərimizi qoruyaq" layihəsinin icrası ilə bağlı 306 nömrəli məktəbdə mövzu ilə bağlı Novruz tədbirlərinə start verildi. Kiçik yaşlı məktəbliləri xalqımızın milli-mənəvi dəyərləri ilə tanış etmək, onlarda xalqa, xalqın adət- ənənələrinə hörmət hissi oyatmaq , xalqın adət-ənənələri haqqında məlumatlandırmaq məqsədilə Azərbaycan mədəniyyətində xüsusi əhəmiyyət verilən Novruzdan əvvəlki çərşənbələrə həsr olunmuş ədəbi-bədii-musiqili kompozisiya təşkil edildi. Bu tədbirin icraçıları olan məktəbin ibtidai sinif müəllimləri G.Dünyamalıyeva və S.Şükürlü 3-cü sinif şagirdləri ilə hazırladıqları tədbirdə su çərşənbəsi ilə bağlı bəzi inancları təqdim etdilər. Novruzun atributları olan kosa, keçəl , səməni , xonçalar tədbirə xüsusi yaraşıq verirdi. Tədbirdə iştirak edən məktəbin direktoru G. Ədilova məktəbliləri bayram münasibətilə təbrik etdi və onlara xalqımızın milli -mənəvi dəyərlərini qorumağı , adət-ənənəmizə hörmətlə yanaşmağı tövsiyə etdi. Tədbir iştirakçıları sonda xatirə şəkilləri çəkdirdilər.
